"Baxtli bolajon" nomli yozgi dam olish oromgohi

---

Joriy yilning 6-iyun kuni Yangiobod tuman axborot-kutubxona markazi xodimlari ishtirokida bolalarning yozgi taʼtilini mazmunli oʻtkazish maqsadida 12-umumiy oʻrta taʼlim maktabi qoshida tashkil etilgan "Baxtli bolajon" nomli yozgi dam olish oromgohiga tashrif buyurishdi. Ushbu oromgohda axborot-kutubxona markazi xodimlari tomonidan bolajonlar uchun qiziqarli va badiiy kitoblardan kitoblar koʻrgazmasi tashkil etildi hamda oʻzlari sevib mutolaa qilgan asarlari yuzasidan qisqacha savol-javoblar oʻtkazildi. Bundan tashqari bolajonlar ishtirokida qiziqarli oʻyinlar hamda kuy-qoʻshiqlar ijro etildi. Tadbirda faol ishtirok etgan bolajonlar faxriy yorliqlar bilan taqdirlandilar. Tadbirda 50 nafar kitobxonlar ishtirok etdilar.