"Baxtli bolajon" nomli yozgi dam olish oromgohlarining ochilish marosimi oʻtkazildi.

---

Joriy yilning 7-iyun kuni 6-umumiy oʻrta taʼlim maktabida bolalarning yozgi taʼtilini mazmunli oʻtkazish maqsadida umumtaʼlim maktablarida tashkil etilayotgan "Baxtli bolajon" nomli yozgi dam olish oromgohlarining ochilish marosimi oʻtkazildi. Tadbirni ochib berish uchun soʻz Maktab va maktabgacha taʼlim boʻlimi boshligʻi E.Muxtorov soʻzga chiqib, tashkil etilayotgan oromgohlarda  turli xil koʻngilochar oʻyinlar hamda toʻgaraklar faoliyati yoʻlga qoʻyilganligi haqida gapirib oʻtdi. Tadbirda axborot-kutubxona markazi xodimlari tomonidan bolajonlar uchun qiziqarli va badiiy kitoblardan kitoblar koʻrgazmasi tashkil etildi hamda oʻzlari sevib mutolaa qilgan asarlari yuzasidan qisqacha savol-javoblar oʻtkazildi. Shu tariqa bolajonlar ishtirokida turli xil koʻngilochar qiziqarli oʻyinlar tashkil etildi va Yangiobod tuman madaniyat boʻlimi xodimlari tomonidan musiqiy chiqishlari tadbirga yigʻilganlarga koʻtarinki kayfiyat baxsh etdi. Tadbirda 100 nafardan ziyod kitobxonlar va tashkilot xodimlari ishtirok etdilar.