“Bir kunlik rahbar”

---

Yangiobod tumani Axborot-kutubxona markazida faoliyat olib borayotgan yoshlarning bo‘sh vaqtini mazmunli tashkil etish, ularning boshqaruv sohasiga bo‘lgan qiziqishini oshirish, liderlik va tashkilotchilik qobiliyatlarini rivojlantirish maqsadida yoshlarni boshqaruv organlari bilan birgalikda “Bir kunlik rahbar” loyihasi o‘tkazildi.
Loyiha davomida yoshlar rahbarlik faoliyati, boshqaruv jarayonlari, mas’uliyat va jamoa bilan ishlashning muhim jihatlari bilan yaqindan tanishdilar. Shuningdek, ishtirokchilarga rahbarning kundalik vazifalari, qaror qabul qilish jarayoni hamda ishni to‘g‘ri rejalashtirish bo‘yicha tushunchalar berildi.
Tadbir jarayonida yoshlar o‘zlarini qiziqtirgan savollar bilan murojaat qilib, boshqaruv organlari vakillari bilan fikr almashdilar. Yoshlarning tashabbuslarini qo‘llab-quvvatlash, ularni jamiyat hayotida faol ishtirok etishga undash hamda kelgusida munosib mutaxassis va yetakchi bo‘lib shakllanishiga ko‘maklashish masalalariga alohida e’tibor qaratildi.