"Dolzarb 90 kun”

---

Yangiobod tumanida "DOLZARB 90 KUN" loyihasi davom etmoqda. 🔰 Joriy yilning 26-iyun kuni Yangiobod tumani axborot-kutubxona markazi xodimlari tomonidan Maktab va maktabgacha taʼlim bo'limiga qarashli 1-sonli umumiy oʻrta taʼlim maktabiga tashrif buyurilib, "Dolzarb 90 kun” loyihasi doirasida "Biz giyohvandlikka qarshimiz" mavzusida davra suhbati tashkil etildi. Tadbirning asosiy maqsadi yoshlar o'rtasida sog'lom turmush tarzini targ'ib qilish, giyohvandlikning inson salomatligi, oilasi va jamiyatga yetkazadigan salbiy oqibatlari haqida tushuncha berishdan iborat bo'ldi. Davra suhbatida mutaxassislar va o'qituvchilar giyohvand moddalar inson organizmiga jiddiy zarar yetkazishi, kelajak rejalari va hayot sifatiga salbiy ta'sir ko'rsatishi haqida ma'lumot berdilar. Shuningdek, yoshlarni zararli odatlardan yiroq bo'lishga, bo'sh vaqtini mazmunli o'tkazishga, sport bilan shug'ullanishga va sog'lom turmush tarziga amal qilishga chaqirdilar. Tadbirda 20 dan ziyod o'quvchi yoshlar ishtirok etdilar.