“Dunyo mamlakatlari” kitobi taqdimoti

---

“Dunyo mamlakatlari” kitobi taqdimoti
Joriy yilning 25-sentabr kuni Yangiobod tuman axborot-kutubxona markazida kitobxonlar ishtirokida Laziz Rahmatovning “Dunyo mamlakatlari” kitobi taqdimoti o‘tkazildi.
Tadbir davomida kitobxonlarga mazkur kitobning mazmun-mohiyati, unda dunyoning turli mamlakatlari, ularning tarixi, geografik joylashuvi, madaniyati, urf-odatlari va diqqatga sazovor jihatlari haqida ma’lumotlar berilgani haqida so‘z yuritildi.
Taqdimot jarayonida ishtirokchilar dunyo mamlakatlari haqidagi qiziqarli ma’lumotlar bilan tanishib, turli xalqlarning madaniyati va an’analariga oid bilimlarini boyitdilar. Kitobdagi ma’lumotlar kitobxonlarda dunyoqarashni kengaytirish, geografik bilimlarni oshirish va yangi mamlakatlarni o‘rganishga bo‘lgan qiziqishni kuchaytirishga xizmat qilishi ta’kidlandi.
Tadbir yakunida kitobxonlarga ushbu kitobni mutolaa qilish tavsiya etilib, kitob — insonning bilim va dunyoqarashini kengaytiruvchi bebaho manba ekanligi yana bir bor qayd etildi.