Ijod osmonidagi parvoz

---

📚 “Ijod osmonidagi parvoz” — kitobxon yoshlar bilan unutilmas uchrashuv 2026-yil 13-aprel kuni Jizzax viloyati Yangiobod tumanida joylashgan Axborot-kutubxona markazi, Tuman maktabgacha va maktab ta’lim bo‘limi, Yangiobod tuman hokimligi hamda Madaniyat markazi hamkorligida “Kitobsevar millat” shiori ostida o‘tkazilayotgan VI Respublika “Kitobxonlik haftaligi” doirasida mazmunli tadbir tashkil etildi. Tadbirda O‘zbekiston yozuvchilar uyushmasi a’zosi, iste’dodli shoir Beknazar Toshboyev ishtirok etib, “Ijod osmonidagi parvoz” mavzusida kitobxon yoshlar bilan adabiy uchrashuv va davra suhbati o‘tkazdi. Uchrashuv davomida shoir kitobning inson hayotidagi o‘rni, uning tafakkur va ma’naviyatni yuksaltirishdagi ahamiyati haqida samimiy fikrlarini bildirib o‘tdi. Shuningdek, o‘zining ijod namunalaridan parchalar o‘qib, yig‘ilganlarga ko‘tarinki kayfiyat ulashdi. Mazkur tadbirda 100 nafardan ortiq kitobxon yoshlar faol ishtirok etib, adabiyotga bo‘lgan qiziqishlarini yana-da mustahkamlashdi.