Jaholatga qarshi ma’rifat

---

 “Jaholatga qarshi ma’rifat” — uch avlod uchrashuvida muhim mavzu

 

Bugun Yangiobod tumani Madaniyat markazida o‘tkazilgan “Uch avlod uchrashuvi” doirasida “Jaholatga qarshi ma’rifat” mavzusida ma’naviy-ma’rifiy davra suhbati tashkil etildi.

 

Tadbirda nuroniylar, ziyolilar hamda yoshlar ishtirok etib, jamiyatda ma’rifatning o‘rni, yoshlarni turli yot g‘oyalardan asrash, ularning ongini bilim va tafakkur bilan boyitish masalalari yuzasidan fikr almashdilar.

 

Suhbat davomida ishtirokchilar tomonidan ma’naviy tarbiya, kitobxonlikni targ‘ib etish, milliy qadriyatlarni asrab-avaylashning ahamiyati alohida ta’kidlandi.

 

Ushbu davra suhbati yoshlar ongida sog‘lom dunyoqarashni shakllantirish, ularni ma’rifatli va vatanparvar insonlar etib tarbiyalashga xizmat qiladi.

Tadbirda Yangiobod tuman axborot-kutubxona markazi xodimlari tomonidan kitoblar ko‘rgazmasi tashkil etildi va 300 dan ziyod qatnashuvchilar ishtirok etishdi.