KITOBXON KLUBI A’ZOLARI BILAN RASMLAR KO‘RGAZMASI

---

KITOBXON KLUBI A’ZOLARI BILAN RASMLAR KO‘RGAZMASI
Yangiobod tuman axborot-kutubxona markazida “Kitobxon klubi” a’zolari ishtirokida kutubxonada o‘tkazilgan ma’naviy-ma’rifiy tadbirlarning fotosuratlari asosida rasmlar ko‘rgazmasi tashkil etildi.
Ko‘rgazmada kutubxona tomonidan yil davomida tashkil etilgan turli tadbirlar, kitob taqdimotlari, uchrashuvlar, davra suhbatlari, kitobxonlik targ‘ibotiga qaratilgan loyihalar hamda boshqa ma’naviy-ma’rifiy tadbirlardan lavhalar aks ettirilgan fotosuratlar namoyish etildi.
Tadbir davomida “Kitobxon klubi” a’zolari ko‘rgazmadagi fotosuratlarni tomosha qilib, kutubxonada amalga oshirilayotgan tadbirlar, kitobxonlikni targ‘ib qilish borasidagi ishlar va klub faoliyati haqida o‘z fikr-mulohazalarini bildirdilar.
Mazkur ko‘rgazma orqali kutubxonaning ma’naviy-ma’rifiy faoliyati, o‘tkazilgan tadbirlarning mazmun-mohiyati va kitobxonlar bilan olib borilayotgan samarali ishlar keng namoyish etildi.
Ko‘rgazma ishtirokchilarda katta qiziqish uyg‘otib, kutubxona faoliyati bilan yaqindan tanishish hamda kitobxonlik muhitini yanada rivojlantirishga xizmat qildi.