Kitobxon yosh — yurt ertasi”

---

Yangiobod tuman Axborot-kutubxona markazi xodimlari tomonidan yosh avlod o‘rtasida kitobxonlik madaniyatini yuksaltirish, ularning kitobga bo‘lgan qiziqishini oshirish hamda bo‘sh vaqtlarini mazmunli tashkil etish maqsadida “Kitobxon yosh — yurt ertasi” shiori ostida targ‘ibot tadbiri tashkil etildi.
Tadbir doirasida Yangiobod tumanidagi “Ko‘zmunchoq” nomli ONMTTga tashrif buyurilib
davra suhbati o‘tkazildi. Tadbir davomida bolalarning sevimli ertaklari, qahramonlari va kitoblari haqida qiziqarli suhbatlar olib borildi. Tarbiyalanuvchilar o‘zlari bilgan ertak va hikoyalar haqida fikrlarini bildirdilar hamda kitoblar yuzasidan berilgan savollarga faol javob berdilar.
Tadbir yakunida bolajonlarni ko‘proq kitob o‘qishga, kitobni asrab-avaylashga va undan unumli foydalanishga chaqirildi. Bunday ma’naviy-ma’rifiy tadbirlar yosh avlodning kitobxonlikka bo‘lgan qiziqishini oshirish va ularning bo‘sh vaqtlarini mazmunli tashkil etishda muhim ahamiyat kasb etadi.