Kitobxonlik oiladan boshlanadi

---

Joriy yilning 12-oktabr kuni Yangiobod tuman axborot-kutubxona markazi xodimlari, Respublika maʼnaviyat va maʼrifat markazi Yangiobod tumani boʻlinmasi hamda mahalla faollari bilan hamkorlikda Yangiobod tumani Havotogʻ QFY hududidagi 11-sonli umumta’lim maktabiga tashrif buyurib, yoshlar o‘rtasida kitobxonlik madaniyatini yuksaltirish, mutolaa qilishga bo‘lgan qiziqishni oshirish hamda oilada kitobxonlik muhitini shakllantirish maqsadida “Kitobxonlik oiladan boshlanadi” mavzusida ma’naviy-ma’rifiy tadbir tashkil etildi.
Tadbir davomida kitobning inson ma’naviyati va dunyoqarashini boyitishdagi o‘rni, yosh avlod tarbiyasida ota-onalarning ibrati hamda oilada kitobxonlik an’analarini shakllantirishning ahamiyati haqida fikr-mulohazalar bildirildi.
Tadbir samimiy va ko‘tarinki ruhda o‘tkazilib, yoshlarni kitobga oshno bo‘lishga, mutolaa madaniyatini kundalik hayotining ajralmas qismiga aylantirishga chorlovchi fikrlar bilan yakunlandi.
Zero, kitobxon oila — ma’rifatli jamiyat poydevoridir.