“O‘zbek tili — barchamizni birlashtiradi” shiori ostida kitoblar ko‘rgazmasi oldida davra suhbati tashkil etdilar.

---

🇺🇿 O‘ZBEK TILI — BARCHAMIZNI BIRLASHTIRADI! Joriy yilning 20-oktabr kuni Yangiobod tuman Axborot-kutubxona markazi xodimlari kitobxon klubi a‘zolari hamda kitobxonlar bilan birgalikda “O‘zbek tili — barchamizni birlashtiradi” shiori ostida kitoblar ko‘rgazmasi oldida davra suhbati tashkil etdilar. Tadbir davomida o‘zbek tilining milliy qadriyatlarimiz, ma’naviyatimiz va madaniyatimizdagi o‘rni haqida fikr-mulohazalar bildirildi. Ona tilimizni asrab-avaylash, uning sofligini saqlash, davlat tiliga bo‘lgan hurmatni yanada oshirish hamda yoshlar o‘rtasida kitobxonlik madaniyatini keng targ‘ib etish masalalariga alohida e’tibor qaratildi. Shuningdek, kitoblar ko‘rgazmasida namoyish etilgan adabiyotlar ishtirokchilarda katta qiziqish uyg‘otdi. Kitobxonlar ona tilimizning boy imkoniyatlari, go‘zal ifoda vositalari va bebaho merosimiz haqida o‘z fikrlarini o‘rtoqlashdilar. Davra suhbati ishtirokchilarda ona tiliga muhabbat va milliy qadriyatlarga hurmat tuyg‘ularini mustahkamlashga xizmat qildi.