Qatag‘on qurbonlari

---

“Qatag‘on qurbonlari — xalqimiz xotirasida” mavzusida ma’naviy-ma’rifiy tadbir
Bugun Axborot-kutubxona markazi xodimlari tomonidan maktab o‘quvchilarining tarixiy xotirasini mustahkamlash, yosh avlodni Vatanga muhabbat va ajdodlarimiz xotirasiga hurmat ruhida tarbiyalash hamda kitobxonlikka bo‘lgan qiziqishini oshirish maqsadida “Qatag‘on qurbonlari — xalqimiz xotirasida” mavzusida ma’naviy-ma’rifiy tadbir o‘tkazildi.
Tadbir davomida o‘quvchilarga yurtimiz tarixining murakkab davrlari, qatag‘on yillarida nohaq ta’qib va jazolarga uchragan yurtdoshlarimiz, ularning hayoti, faoliyati hamda xalqimiz ma’naviyati va ma’rifati rivojiga qo‘shgan hissalari haqida ma’lumotlar berildi.
Shuningdek, o‘quvchilarga qatag‘on qurbonlari hayoti va ijodiga bag‘ishlangan tarixiy, ilmiy va badiiy adabiyotlar tavsiya qilindi. Kitoblarning mazmuni haqida qisqacha ma’lumot berilib, o‘quvchilarni ushbu mavzudagi asarlarni mutolaa qilishga qiziqtirildi.
Tadbir davomida o‘quvchilar bilan suhbat va savol-javoblar tashkil etildi. O‘quvchilar o‘zlarini qiziqtirgan savollarga javob oldilar hamda tariximizning unutilmas sahifalari haqida yangi ma’lumotlarga ega bo‘ldilar.
Mazkur tadbir yosh avlod qalbida tarixiy xotira, Vatanga muhabbat, ajdodlarimizga hurmat tuyg‘ularini shakllantirish va kitobxonlik madaniyatini yuksaltirishga xizmat qildi.