“Sharof Rashidov – xalqimiz faxri va millatimiz iftixori”

---

“Sharof Rashidov – xalqimiz faxri va millatimiz iftixori”

Yangiobod tuman Axborot-kutubxona markazi xodimlari tomonidan 6-sonli umumiy oʻrta ta‘lim maktabiga tashrif buyurilib, kitobxonlar bilan birgalikda taniqli davlat va jamoat arbobi, atoqli yozuvchi Sharof Rashidov tavalludiga bag‘ishlab “Sharof Rashidov – xalqimiz faxri” mavzusida davra suhbati tashkil etildi.

Tadbir davomida Sharof Rashidovning hayoti va ijodiy faoliyati, davlat arbobi sifatidagi xizmatlari, o‘zbek adabiyoti va xalqimiz ma’naviy hayotiga qo‘shgan hissasi haqida atroflicha ma’lumotlar berildi.

Davra suhbati ishtirokchilari adibning boy ijodiy merosi, asarlarining mazmun-mohiyati hamda ularda ilgari surilgan ezgu g‘oyalar haqida fikr almashdilar. Shuningdek, uning hayoti va faoliyatiga oid kitoblar ko‘rgazmasi bilan tanishdilar.

Tadbirning asosiy maqsadi yosh avlod qalbida milliy adabiyotimizga hurmat va kitobxonlik madaniyatini yuksaltirish, buyuk ajdodlarimizning boy ma’naviy merosini keng targ‘ib etishdan iborat bo‘ldi.