"Xotira – millat boyligi"

---

Yangiobod tumani Yangiobod ShFY mahalla binosida axborot-kutubxona markazi xodimlari tomonidan tashkil etilgan "Xotira – millat boyligi" burchagida markaz faoliyati, amalga oshirilgan ma'naviy-ma'rifiy tadbirlar hamda jamoaning yutuqlarini aks ettiruvchi fotolavhalar namoyish etildi. Tashrif buyuruvchilar mazkur burchak bilan yaqindan tanishib, kutubxona tomonidan kitobxonlikni rivojlantirish, yoshlarni ma'naviy barkamol etib tarbiyalash va milliy qadriyatlarni targ'ib qilish borasida olib borilayotgan ishlar haqida batafsil ma'lumot oldilar. Fotolavhalar orqali markazning o'tgan davrdagi muhim tadbirlari va erishilgan natijalari yoritildi. Bunday ko'rgazmalar kutubxona tarixini asrab-avaylash, faoliyatni keng jamoatchilikka tanishtirish hamda yosh avlodda Vatanga sadoqat, milliy qadriyatlarga hurmat tuyg'usini mustahkamlashga xizmat qiladi.