"Yangi Oʻzbekiston armiyasi-mamlakat tayanchi, xalqimiz faxri!" shiori ostida davra suhbati

---

Joriy yilning 13-yanvar kuni Yangiobod tuman axborot-kutubxona markazi xodimlari hamda Respublika Maʼnaviyat va maʼrifat markazi Yangiobod tuman boʻlinmasi bilan hamkorlikda 12-sonli umumiy oʻrta taʼlim maktabi  oʻquvchilari ishtirokida Oʻzbekiston Respublikasi Qurolli kuchlari tashkil etilganing 33-yilligi hamda 14-yanvar "Vatan himoyachilari kuni" munosabati bilan "Yangi Oʻzbekiston armiyasi-mamlakat tayanchi, xalqimiz faxri!" shiori ostida  davra suhbati tashkil etildi. Davra suhbatida yigʻilganlarni 14-yanvar Vatan himoyachilari kuni bilan tabriklab oʻtdilar. Ona yurtimiz har doim o‘zining mard, jasur yigitlari bilan faxrlanib kelayotganligi, yigitlarimiz ota-ona va oilasini, o‘zi yashayotgan yurt tuprog‘ini muqaddas bilib, Vatan himoyasi uchun doimo shay turishlari haqida gapirib oʻtishdi. Ushbu bayramni nishonlanishi xalqimizning o‘z milliy armiyasiga nisbatan cheksiz hurmatini, alp yigitlariga nisbatan iftixorini bildiradi deb oʻz fikrlarini bildirishdi. Tadbirda 28 nafar kitobxonlar ishtirok etishdi.