YANGIOBODDA YANGI YIL SHUKUHI

---

Yurtimiz bo'ylab Yangi yil shukuhi kezib yurgan ayni kunlarda Yangiobod tumanida ham bayram tantanalari va turli aksiyalar bo'lib o'tmoqda.

 

Tumandagi 19-sonli musiqa va san'at maktabida bolalar uchun "Yangi yil sarguzashtlari" nomli bayram tomoshasi tashkil etilib, barchaga zavqli va chinakam bayram kayfiyati tuhfa etildi.

 

Tadbir avvalida tuman hokimi o'rinbosari Azizbek Nishonov barchani bayram bilan tabriklab, kirib kelayotgan yangi yil hamma uchun omadli va quvonchli lahzalarga boy bo'lishini tiladi.

 

Bayram tadbirida bolajonlar ishtirokida yangi yil bayramini tarannum etuvchi she'r va qo'shiqlar, QVZ, qorbobo va qorqiz ishtirokidagi chiqishlar, qiziqarli sahna ko'rinishlari namoyish etildi.

 

Shuningdek, tuman madaniyat bo'limi ijodkorlari tomonidan sho'x-shodon kuy-qo'shiqlar ijro etilib, bayram tadbiri yoshlarning o'yin-kulgulari bilan haqiqiy shouga aylanib ketdi.

 

Tadbirda axborot-kutubxona markazi xodimlari tomonidan kitoblar koʻrgazmasi ham tashkil etildi.