“Yosh kitobxon oila” ko‘rik-tanlovi tashkil etildi

---

“Yosh kitobxon oila” ko‘rik-tanlovi
Joriy yilning 6-noyabr kuni Yangiobod tumani axborot-kutubxona markazi hamda Yoshlar ishlari agentligi bilan hamkorlikda “Yosh kitobxon oila” ko‘rik-tanlovining mahalla bosqichi tashkil etildi.
Mazkur tanlovdan ko‘zlangan maqsad oilalarda kitobxonlik madaniyatini rivojlantirish, yosh avlodning kitobga bo‘lgan qiziqishini oshirish, ota-onalar va farzandlar o‘rtasida mutolaa orqali ma’naviy yaqinlikni mustahkamlash hamda kitobxon oilalarni qo‘llab-quvvatlashdan iborat.
Tanlov davomida ishtirokchi oilalar o‘z bilim va mahoratlarini namoyish etib, kitobxonlik borasidagi faolliklarini ko‘rsatdilar. Tadbir so'ngida g'oliblar diplom va esdalik sovg'alar bilan taqdirlandilar. Bunday ma’naviy-ma’rifiy tadbirlar yosh avlodni kitobsevarlik ruhida tarbiyalash, oilaviy mutolaa an’analarini keng targ‘ib etishda muhim ahamiyat kasb etadi.